Эртага, 22 январь куни Ўзбекистонда жорий йилнинг биринчи “Автомобилсиз кун” акцияси бўлиб ўтади. Бу ҳақда Ўзбекистон Республикаси Экология, атроф-муҳитни муҳофаза қилиш ва иқлим ўзгариши вазирлиги хабар берди.

Ушбу кунда Қорақалпоғистон Республикаси ва вилоятлар марказларида, шунингдек, Тошкент шаҳрида жойлашган барча давлат идоралари раҳбарлари ва ходимларига, барча фуқароларга шахсий транспорт воситаларидан воз кечиб, атроф-муҳитга кам зарар етказадиган жамоат транспорти, велосипед каби транспорт турларидан фойдаланиш тавсия қилинади. 

“Ҳурматли юртдошлар! “Автомобилсиз кун” лойиҳасига бефарқ бўлманг! Шахсий автомобиллардан воз кечиб, экологик тоза транспорт воситаларидан фойдаланинг ва ўзимиз нафас олаётган ҳаво тозалигига ҳисса қўшинг. Унутманг, атроф- асраш барчамизнинг бурчимиздир” – дейилади хабарда.

• Автомобил
• Экология
• Ўзбекистон