Ҳиндистоннинг Ченнай шаҳрида бўлиб ўтган 44-Бутунжаҳон шахмат олимпиадасида шахматчиларимиз тарихий ғалаба билан қайтишди.

Ўзбекистон эркаклар терма жамоаси умуман мағлубиятга учрамаган ягона жамоа бўлди. Аёллар терма жамоаси ҳам 162 та жамоа орасида мусобақани 31-ўринда якунлашди.

Президент Шавкат Мирзиёев чемпион шахматчиларимизни ғалаба билан муборакбод этган ҳолда автомобиль ва пул мукофоти билан тақдирлади.

Шу муносабат билан бугун Ўзбекистон Республикаси Спортни ривожлантириш вазирлигида Бутунжаҳон шахмат олимпиадаси ғолибларига тантанали равишда пул мукофотини топшириш маросими бўлиб ўтди.

Тадбирда Спортни ривожлантириш вазирининг ўринбосари М.Исмоилов, Ўзбекистон Ёшлар ишлари агентлиги раиси, мамлакат шахмат федерацияси раиси А.Саъдуллаев, федерация раисининг биринчи ўринбосари Х.Турдалиев, шунингдек, 44-Бутунжаҳон шахмат олимпиадаси ғолиблари Н.Ёқуббоев, Н.Абдусатторов, Ж.Синдаров, Ш.Воҳидов ва Ж.Воҳидов ҳамда уларнинг ота-оналари иштирок этди.

Тадбир якунида шахматчиларга пул мукофотлари топширилди.

Қайд этиш мумкин, 2026 йилги 46-Бутунжаҳон шахмат олимпиадасига Ўзбекистон мезбонлик қилади.

• Ўзбекистон
• Шахмат
• pul