Жорий йилнинг феврал ойида Мактабгача ва мактаб таълими вазири жамғармаси ҳисобидан рағбатлантириш учун 228 нафар педагог саралаш имтиҳонларининг биринчи босқичида иштирок этган эди. Ушбу синов икки босқичда бўлиб ўтди. Биринчи босқич тест синови бўлса, унда юқори натижа кўрсатган номзодлар билан касбий маҳоратини баҳолаш учун суҳбат ўтказилган.

Синовдан муваффақиятли ўтган навоийлик 63 нафар педагог Вазир жамғармасидан устама олиш имкониятига эга бўлди. Эндиликда, ушбу малакали педагог кадрларга 9 ой давомида меҳнатга ҳақ тўлашнинг энг кам миқдорининг 5,5 баравари миқдорида устама тўланади.

• Maktabgacha va maktab ta'limi vazirligi
• Навоий
• Рағбатлантириш