Тошкент вилояти Бўка тумани Чўлобод қишлоғида яшовчи аёл 7 яшар жиянини уриб ўлдирди.

Аниқланишича, Бекобод тумани Зафар шаҳарчасида яшовчи эр-хотин икки нафар қизини Бўка туманида яшовчи синглисининг қарамоғига ишониб топширган ва Россияга ишлагани кетган.

Ота-онаси хорижда ишлаб юрганда, болалар ҳар куни калтак еб, аммаси томонидан зулм кўриб келган.

Жорий йилнинг 12 март куни соат 01:00 да васийлик ишониб берилган аёл қариндошларининг кичик қизи, 2017 йилда туғилган Ч.А.нинг дарс тайёрламагани ва ёлғон гапирганини важ қилиб, ўзини қизнинг мазкур хатти-ҳаракатлари учун гўёки жазолаётгандек кўрсатиб, ўта шафқатсизлик билан қўллари ва ёғоч бўлаги билан болани уриб, оғир тан жароҳати етказган.

Мазкур ҳолат юзасидан 12 март куни Бўка тумани ИИБ ҳузуридаги Тергов бўлинмаси томонидан Ўзбекистон Республикаси Жиноят кодексининг 104-моддаси билан жиноят иши қўзғатилган.

13 март куни Н.И.га нисбатан қамоққа олиш тарзидаги эҳтиёт чораси қўлланган.

15 март куни туман тиббиёт бирлашмасида кўрсатилган тиббий муолажаларга қарамасдан, қизалоқ жонлантириш бўлимида вафот этган.

• Жиноят
• Қотиллик