Янгийўл туманида 794,8 млн сўмлик энергия ресурсларидан ноқонуний фойдаланган умумий овқатланиш шохобчаси аниқланди. Бу ҳақда Прокуратура Департаменти хабар бермоқда.

Бош прокуратура ҳузуридаги Департаментнинг Янгийўл тумани бўлими томонидан ЭТК ходимлари билан ҳамкорликда ўтказилган терговга қадар текширувда фуқаролар А.О. ва М.А. “Нурафшон” МФЙ ҳудудида тегишли тартибда давлат рўйхатидан ўтмасдан умумий овқатланиш шохобчасини ташкил этиб, тижорат мақсадида электр ва газ тармоғига ўзбошимчалик билан уланиб, жами 794,8 млн сўмлик электр энергияси ва табиий газдан ноқонуний фойдаланганликлари аниқланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.

• Прокуратура