Туркманистон Президенти Сердар Бердимуҳамедов Ўзбекистон Республикаси Президенти ҳузуридаги Хавфсизлик кенгаши котиби ўринбосари Абдулазиз Ҳафизович Комиловга Туркманистоннинг “Ҳурматли эл ёшуллиси” унвонини бериш тўғрисида фармон имзолади.

“Туркманистон ва Ўзбекистон Республикаси ўртасидаги дўстона муносабатларни мустаҳкамлаш, миллий анъаналарни ривожлантириш, маънавий яқинлик боғлаган икки қардош халқнинг ҳамжиҳатлиги ва куч-қудратини мустаҳкамлаш, ёш авлод тарбиясидаги алоҳида хизматлари учун, шунингдек, икки мамлакат ўртасидаги узоқ йиллик муносабатларни, сиёсий, иқтисодий, фан, таълим ва маданият соҳаларида ҳамкорликни кенгайтиришга қўшган катта шахсий ҳиссасини инобатга олиб, Ўзбекистон Республикаси Президенти ҳузуридаги Хавфсизлик кенгаши котиби ўринбосари, Ўзбекистон Республикаси Президентининг ташқи сиёсат бўйича вакили Абдулазиз Ҳафизович Комилов Туркманистоннинг “Ҳурматли эл ёшуллиси” ҳисобланади” – дейилади фармонда.

• Abdulaziz Komilov
• Ўзбекистон
• Туркманистон