Жаҳон футболчиларининг трансфер нархларини эълон қилиб борувчи Transfermarkt нашри ФИФА кунлари олдидан бир қатор футболчиларнинг нархларини янгилади. Янгиланган ҳолатга кўра Ўзбекистон терма жамоаси ҳимоячиси Абдуқодир Ҳусановнинг трансфер нархи “Манчестер Сити” клубидаги ишончли ҳаракатлари натижасида 35 миллион евро этиб белгиланди. Маълумот учун Ҳусанов бунга қадар 12 миллион евро нарх билан айни пайтда Ўзбекистондаги энг қиммат футболчи бўлиб турган эди.

Бундан ташқари ҳимоячи ушбу натижа билан Ўзбекистон футболи тарихидаги энг қиммат трансфер нархига эга бўлган футболчига айланди. Аввалроқ, ушбу натижа “Рома” клуби ҳужумчиси Элдор Шомуродовга тегишли эди. Шомуродов римликлар сафига қўшилгач, 14 миллион еврога баҳоланган эди.

Маълумот учун, Ўзбекистон терма жамоаси 20 март куни соат 21:00 да, “Бунёдкор” стадионида Жаҳон чемпионати саралаш босқичидан ўрин олган баҳсда Қирғизистон терма жамоасига қарши майдонга тушади.

• Abduqodir Husanov
• Футбол
• терма жамоа
• Трансферлар