Ҳиндистоннинг Калкутта шаҳрида 13-17 ноябрь кунлари Tata Steel Chess India турнири бўлиб ўтади. Соврин жамғармаси 41 500 АҚШ долларини ташкил этадиган турнирда ҳамюртимиз Нодирбек Абдусатторов ҳам иштирок этади.

Мусобақа рапид ва блитс йўналишларида бўлиб ўтади. Икки йўналишда ҳам ғолиблар алоҳида аниқланади. Мусобақада Нодирбек Абдусатторовдан ташқари, Магнус Карлсен, Винсент Кеймер, Уесли Со, Праггнанандҳа, Аржун Эригаиси каби тажрибали шахматчилар ҳам қатнашади.

Ғолиблар қуйидагича мукофотланади: Рапид йўналишида: 1-ўрин — 10 минг АҚШ доллари; 2-ўрин — 6 минг АҚШ доллари; 3-ўрин — 3 минг АҚШ доллари. Блитс йўналишида: 1-ўрин — 7,5 минг АҚШ доллари; 2-ўрин — 4 минг АҚШ доллари; 3-ўрин — 2,5 минг АҚШ доллари.

Нодирбек бугундан баҳсларга киришади. Ҳозирда шахматчимиз FIDE рейтингида 6-ўринда бормоқда.

• Nodirbek Abdusattorov
• Шахмат