Бугун, 6 декабрь куни Афғонистоннинг Балх вилоятида содир бўлган портлашда камида 7 автобус йўловчиси ҳалок бўлди. Бу ҳақда маҳаллий ОАВ хабар бермоқда.

Маълум қилинишича, ҳодиса Мозори Шариф шаҳрида содир бўлган.

“Хизмат автобуси Ўзбекистон билан чегарадош “Ҳайратон” назорат-ўтказиш пункти ходимларини олиб кетаётган эди”.– дейилади хабарда.

Балх полиция бошқармаси матбуот котиби Муҳаммад Асиф Вазири, портлаш оқибатида 7 киши ҳалок бўлган, 6 киши жароҳатланганини маълум қилди.

Аниқланишича, бомба кўча сотувчилари пештахтаси остига ўрнатилган.

Воқеа жойига тез ёрдам бригадаси етиб келган. Ҳозирча, ҳеч бир ташкилот портлаш учун жавобгарликни ўз зиммасига олмаган.

• Афғонистон
• portlash