Американинг Оклахома штатида яшовчи афғонистонлик шахс 5 ноябрь сайлов куни террорчилик гуруҳи номидан теракт уюштиришни режалаштиргани учун ҳибсга олинди, деб хабар бермоқда АҚШ Департаменти.

“Адлия вазирлиги бугун Оклахома штатида истиқомат қилувчи афғон фуқаросига қарши “Исломий давлат” номидан АҚШда сайлов куни ҳужум уюштиришга тил бириктирганликда айблов эълон қилди”, — дейилади департамент баёнотида.

Қайд этилишича, 27 ёшли Носир Аҳмад Тавҳедий террорчи ташкилотга моддий ёрдам кўрсатишга уринган, АҚШ ҳудудига ҳужум уюштириш учун қурол сотиб олган, шунингдек, ҳужумни ўзи ҳам амалга оширишни режалаштирган. Ҳуқуқ-тартибот идоралари унинг исми ошкор этилмаган кичик шеригини ҳам қўлга олган.

Эндиликда мазкур шахс террорчи ташкилотга ёрдам бергани учун 20 йилгача ва жиноят содир этиш мақсадида қурол олгани учун 15 йилгача озодликдан маҳрум этилиши мумкин, дея таъкидлайди Адлия вазирлиги.

• АҚШ
• Афғонистон
• Теракт