Ўзбекистон Олий Мажлиси Қонунчилик палатаси депутати Алишер Қодиров Россияда хизмат қилаётган ўзбекистонлик мигрантларга чет тилларини ўргатиш эвазига бошқа давлатларга жўнатиш ҳақида фикр билдирди.

“Бизнинг кўплаб мигрантларимиз Россия Федерациясида ишлайди ва уларнинг кўпчилигини ёшларимиз ташкил қилади. Россиядаги ҳамкасбларимиз мигрантларнинг иш шароитини оғирлаштириш учун кўплаб дискриминацион қонунлар қабул қилишяпти. Россия бозори биз учун қизиқ бўлмай қолди. Уларга бошқа чет тилларини ўргатишимиз ва Россия бозоридан олиб чиқишимиз керак. Инглиз тили билан Германияга ҳам кетиш мумкин. Агар биз бундай ёндашмасак на халқимизни камбағалликдан олиб чиқа оламиз, на таҳқирланишни олдини ололамиз” – дейди Алишер Қодиров.

• Алишер Қодиров
• Депутат
• Миграция
• Ўзбекистон