Америкаликлар бир неча соат ичида АҚШ витсе-президенти Камала Харриснинг сайловолди кампаниясига 46,7 миллион доллар хайрия қилишди.
Аввалроқ, АҚШ фуқаролари беш соат ичида 27,5 миллион доллардан ортиқ хайрия қилгани ҳақида хабар берилган эди. Витсе-президент Камала Харриснинг кампанияси бошланганидан кейин ActBlue орқали 46,7 миллион доллар йиғилган. Таъкидланишича, бу 2024 йилда кун давомидаги энг катта тўлов ҳисобланади.
Маълумот учун, кеча якшанба куни Байден иккинчи муддатга сайланмаслигини маълум қилди. У витсе-президенти Камала Харриснинг номзодини қўллаб-қувватлашини айтди. Республикачилар партиясидан номзод Доналд Трамп бир неча бор Харрисни мағлуб этиш осонроқ бўлишини айтган.
Эслатиб ўтамиз, АҚШ президентлигига сайлов ноябрь ойида бўлиб ўтади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!