Кеча, 1 ноябрь куни Андижон вилоятида мактаб директори болаларни аёвсиз калтаклагани ҳақида хабар қилинганди. Мазкур ҳолат юзасидан Мактабгача ва мактаб таълими бошқармаси муносабат билдирди.

Унга кўра, жорий йилнинг 1 ноябрь куни ижтимоий тармоқларда “Олтинкўл тумани 38-умумтаълим мактабидаги ҳолат” сарлавҳаси остида тарқалган хабарлар юзасидан Андижон вилояти Мактабгача ва мактаб таълими бошқармасининг ишчи гуруҳи тузилиб, вазият ўрганилмоқда.

Ўрганиш ишлари якунларига кўра, батафсил маълумот берилиши режалаштирилгани айтилди.

Шунингдек, Болалар омбудсмани ҳам ҳолатни ўргана бошлаганини билдирди.

Аниқланишича, ҳолат Олтинкўл туманидаги 38-умумтаълим мактабида содир бўлган. 8-синф ўқувчиси Қ.М. (ўғил бола) синф хонада пиротехника воситаларидан фойдаланган. Бунга жавобан мактаб директори гўёки тарбиявий мақсадда Қ.М.ни ва синфдаги бошқа бир неча болаларни калтаклаган.

Ҳозирда Андижон вилояти ММТБ томонидан ишчи гуруҳи тузилиб, ҳолат ўрганилмоқда. Шунингдек, Олтинкўл тумани ИИБ томонидан ҳолат юзасидан терговга қадар текширув ҳаракатлари олиб борилмоқда.

• Андижон
• Maktabgacha va maktab ta'limi vazirligi
• Омбудсман