Андижонда ҳожатхонага тушиб кетган қизалоқ қутқариб қолинди. Бу ҳақда ФВВ хабар берди.

Кеча, 31 октябрь куни соат 17:33 да Андижон вилояти, Асака тумани “Нурафшон” маҳалласида жойлашган уйларнинг бирида, ушбу уй эгасининг 2023 йилда туғилган қиз фарзанди эҳтиётсизлик ва назоратдан четда қолганлиги сабабли ҳовлисидаги ҳожатхонага тушиб кетган. Шундан сўнг, улар ФВБ га хабар берган.

Зудлик билан айтилган манзилга қутқарувчилар етиб бориб, махсус қутқарув асбоб-анжомлари ёрдамида ҳожатхона чуқурлигидан қизалоқни олиб чиқиб, ҳаётини сақлаб қолган. Шундан сўнг малакали тиббий ёрдам кўрсатиш мақсадида шифохона юборилган.

Қайд этилишича, ҳозирда қизалоқнинг аҳволи яхши ва у шифокорлар назоратида.

• Андижон
• ФВВ