31°
Кечаси 18°
Андижон вилоятида маст ҳолдаги эркак ёш болани калтаклагани тасвирланган видео ижтимоий тармоқларда тарқалди. Унда катта ёшдаги эркак дорихонада 14 ёшли болага таҳдид қилиб бақирган ва юзига уриб, йиқитган.
Аниқланишича, шу йилнинг 26 июль куни соат 21:10 ларда Андижон шаҳри, “З.М.Бобур” маҳалласи, А.Фитрат кўчасида жойлашган дорихонанинг ичида 1977 йилда туғилган фуқаро Ж.С. маст ҳолатда вояга етмаган М.К. билан дастлаб ҳазиллашиб, кейинчалик ўзаро гап тортишиб кетиши оқибатида Ж.С. вояга етмаган фуқаро М.К.ни ҳақорат қилиб, унинг юзига кафти билан шапалоқ урганлиги маълум бўлган.
Ушбу ҳолат юзасидан фуқаро М.К. ва унинг яқинлари томонидан ички ишлар органларига ариза билан мурожаат қилинмаган.
Ҳозирда Ж.С.га нисбатан тегишли тартибда қонуний чора кўриш юзасидан Андижон шаҳри бўйича ИИО ФМБ томонидан терговга қадар текширув ҳаракатлари олиб борилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
