“Ўзенергоинспексия” Тошкент шаҳар ҳудудий бошқармаси ва  газ таъминоти  корхонаси ҳамкорлигида ўтказилган назорат тадбирида Яшнобод туманида  “Гўзал” МФЙ Гўзал 1-берк кўчасидаги қандолат цехи биносида газ таъминоти корхонаси билан шартнома тузмасдан тўғридан-тўғри тармоққа уланиб, табиий газдан ноқонуний фойдаланиб келиш ҳолати аниқланди.

Ушбу қоидабузарлик натижасида, газ таъминоти корхонасининг дастлабки ҳисоб-китобларига кўра,  5 миллиард 22 миллион сўмлик зарар етказилганлиги маълум бўлган.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

• Газ
• Тошкент