Жорий йилнинг 28 июль куни соат 14:08 да Андижон шаҳар Пахтакор МФЙ Жанубий пахтакор кўчасида жойлашган аҳоли яшаш хонадонида ёнғин содир бўлаётганлиги ҳақида Андижон вилояти ФВБга хабар келиб тушган, соат 14:11 да айтилган манзилга 3 та ЁҚЕлари етиб борган ва соат 14:26 да содир бўлган ёнғин батамом ўчирилган. Бу ҳақда Андижон вилояти Фавқулодда вазиятлар бошқармаси хабар берди.

Хабар берилишича, ушбу ёнғин натижасида яшаш уйининг 70 м.кв шифт, том қисми ва уй рўзғор буюмлари ёниб зарарланган.

Шунингдек, воқеа натижасида тан жароҳати ҳолатлари қайд этилмаган. Ҳозирда ёнғин содир бўлиш омиллари ва моддий зарар аниқланмоқда.

• Андижон
• ёнғин