Шу йилнинг феврал ойида Бред Питт собиқ рафиқаси Анжелина Жолини виночилик бизнесидаги улушини россиялик тадбиркор ва SPI Group алкоголли ичимликлар ишлаб чиқарувчи йирик компания раҳбари Юрий Шефлерга сотишда айблагани маълум бўлди. Питт шартномани бекор қилиш учун актрисани судга берди. Охирги суд учрашувида Жоли вакиллари Бред Питтдан судга вино заводининг ярмини сотиш ноқонунийлигини исботловчи ҳужжатларни тақдим этишни талаб қилишди. Шу билан, Лос-Анжелес суди Жоли фойдасига қарор чиқарди.

Бред Питтнинг вакиллари таъкидлашича, вино заводи актёрнинг севимли иши эди.Унинг саъй-ҳаракатлари туфайли завод бир неча миллион долларлик бизнесга айланди. Шу билан бирга, Жоли лойиҳанинг муваффақияти учун ҳеч нарса қилмаган. Бундан ташқари, Питт Жоли билан бизнесдаги улушларини ўзаро розиликсиз сотмаслик тўғрисида келишувга эришганини, аммо Анжелина бу келишувни бузганини айтади.

2008 йилда Питт ва Жоли “Chateau Miraval” узумзорларини сотиб олишган ва вино ишлаб чиқаришни йўлга қўйишган. Бред Питт ва Анжелина Жоли 2019 йилда ажрашишган.

• Дунё
• Кино
• Шоу-бизнес
• aktyor
• голливуд