АҚШ Алексей Навалнийнинг ўлими сабабли 23-феврал куни Россия Федерациясига қарши янги чора-тадбирлар пакетини эълон қилишни режалаштирмоқда. Бу ҳақда Оқ уйнинг АҚШ миллий хавфсизлиги бўйича маслаҳатчиси Жон Кирби маълум қилди.

Унинг сўзларига кўра, санкциялар Путинни Украинадаги уруш учун жавобгарликка тортиш мақсадида ишлаб чиқилган ва Алексей Навалнийнинг ўлими муносабати билан қўшимча санкциялар билан тўлдирилмоқда.

“Президент Байденнинг кўрсатмаси билан биз шу ҳафта жума куни Россияни жаноб Навалний билан содир бўлган воқеа учун жавобгарликка тортиш мақсадида йирик санкциялар пакетини эълон қиламиз” – деди Жон Кирби.

Шунингдек, у журналистларга янги пакет Навалний билан содир бўлган воқеаларга муносабат эканини айтди, аммо санкциялар доирасида қандай чоралар кўрилишига аниқлик киритмаган.

Эслатиб ўтамиз, 16-феврал куни Россиянинг Ямало-Ненетс автоном округи федерал жазони ижро этиш хизмати Навалнийнинг колонияда ўлганини эълон қилган эди.

• АҚШ
• Россия
• Санкция