Қўшма Штатлар Молия вазири Скотт Бессент Россия ва Беларусга қарши санкциялар қўлланилгани сабабли бу мамлакатлар билан савдо олиб борилмаслигини айтди. Бу ҳақда The New York Times хабар берди.

Оқ уй матбуот котиби Керолайн Ливитт эса Axios нашрига берган интервьюсида Россияга қарши санкциялар ҳар қандай муҳим савдони деярли истисно қилишини маълум қилган. The New York Times газетасига кўра, Оқ уйнинг бошқа бир вакили айнан шу сабабли Куба ва Шимолий Корея ҳам Трампнинг божлар рўйхатига киритилмаганини билдирган.

Шу билан бирга, Axios расмийларнинг бу баёнотларини рад этиб, АҚШ ва Россия ўртасидаги савдо алоқалари ҳали ҳам давом этаётганини қайд этди.

NYT маълумотларига кўра, бу ҳажм сезиларли даражада камайган, 2021 йилда 35 млрд доллар бўлган товар айирбошлаш ҳажми ўтган йили 3,5 млрд долларгача тушган.

“Қўшма Штатлар ҳали ҳам Россия билан, масалан, Трампнинг тарифлар рўйхатига киритилган Маврикий ёки Брунейга қараганда кўпроқ савдо қилади. Божлар ҳатто АҚШ билан Россиядан ҳам камроқ савдо қиладиган узоқ орол ҳудудларига ҳам жорий қилинган”, – деб ёзади Axios.

• АҚШ
• Davlat boji
• Россия
• tovar