Бош прокуратура ҳузуридаги Департаментнинг Чилонзор тумани бўлими, ДХХ ва ИИББ ходимлари фуқаролар А.Н. ва Д.И. фуқаро А.Ж.нинг ишончига кириб, уни танишлари ёрдамида айланма йўллар орқали АҚШга ишга юбориши эвазига 14 000 АҚШ долларини олган вақтида ушлаган. Бу ҳақда Ташқи меҳнат миграцияси агентлиги хабар берди.

Шунингдек, Департаментнинг Қўшработ тумани бўлими фуқаро Ф.У. фуқаролар Қ.Ҳ. ва С.К.нинг ишончига кириб, уларни гўёки юқори лавозимдаги танишлари ёрдамида Англияга ишга юбориши эвазига 2 500 АҚШ доллари ва 2,5 млн сўмни қўлга киритганини аниқлаган.

Ҳозирда мазкур ҳолатлар юзасидан ЖКнинг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

• АҚШ
• Angliya
• Фирибгарлик
• Миграция