15 ноябр Сан-Францискода АҚШ президенти Жо Байден ва Хитой раҳбари Си Цзиньпин шахсий учрашуви ўтказилди. Бу уларнинг сўнгги бир йилдаги илк учрашуви бўлди ва икки давлат ўртасидаги қарама-қаршилик кескинлашган вақтда бўлиб ўтмоқда. Музокаралар Осиё-Тинч океани иқтисодий ҳамкорлиги (АПЕС) саммити доирасида бўлиб, улар шаҳарнинг аниқ қаерида ташкиллаштирилиши ҳозирча номаълумлигича қолмоқда.

Хитойнинг Хинҳуа ахборот агентлиги хабарига кўра, Хитой раҳбари Америка ғарбидаги шаҳарга кеча кечқурун етиб келган. Шу куни Оқ уй раҳбарининг самолёти Сан-Францискога қўнди. Саммит иштирокчи давлатларига жаҳон иқтисодиётининг бешдан уч қисми тўғри келади. АПЕС саммитида АҚШ ва Хитойдан ташқари яна ўн тўққиз давлат вакиллари иштирок этади. Иштирокчи давлатлар умумий улуши жаҳон иқтисодиётининг 60 фоизини ташкил қилади, дея қайд этади АФП.

АҚШ Давлат департаментининг АПЕСдаги юқори мартабали расмий вакили Метт Мюррейга кўра, Россиядан саммитда Ғарбнинг, жумладан, Европа Иттифоқининг турли санкциялар рўйхатига киритилган бош вазир ўринбосари Алексей Оверчук қатнашади. Шу билан бирга, Оверчук Россиянинг аксарият юқори раҳбариятидан фарқли ўлароқ, АҚШ санкциялари остида эмас.

АҚШ президенти учрашув бўйича ўз умидлари билан бўлишди:

Сешанба куни эрталаб Жо Байден Қўшма Штатлар Хитойдан узоқлашмоқчи эмас, балки муносабатларни яхшилашни хоҳлаётганини айтди. “Биз Хитойдан узоқлашишга ҳаракат қилмаяпмиз. Биз муносабатларни яхши томонга ўзгартиришга интиляпмиз”, деди у Сан-Францискога учишидан бироз олдин Оқ уйда журналистларга.

“Учрашувда нимага эришмоқчисиз?” деган саволга, Америка Қўшма Штатлари президенти “нормал муносабатларга қайтишни, инқироз пайтида телефонни кўтариб, ўзаро гаплаша олишни, (ҳарбий) кучлар ҳали ҳам алоқада эканига ишонч ҳосил қилишни”, деб жавоб қайтарган.

• АҚШ
• Байден
• Президент
• Хитой
• uchrashuv