“АҚШ Давлат котиби Марко Рубио бошқа давлатларга ёрдам кўрсатиш бўйича кўплаб дастурларни 90 кунга тўхтатишни буюрди. Бу кўрсатма Трамп президентлик лавозимига киришганидан сўнг дарҳол имзолаган фармонга мувофиқ қабул қилинди”, – дея ёзмоқда Reuters.

Politico нашрига кўра, ушбу қарор Украина, Иордания ва Тайванга берилаётган ҳарбий ёрдамларга таъсир ўтказади. Аммо фармонда Исроил ва Мисрга ҳарбий молиялаштиришни давом эттириш учун истиснолар қилинган.

Қўшма Штатлар Халқаро тараққиёт агентлиги ходими Reuters нашрига берган маълумотга кўра, Украинадаги лойиҳалар учун масъул бўлган амалдорлар ишни тўхтатишлари кераклиги айтилган. “Музлатилган лойиҳалар орасида мактабларни қўллаб-қувватлаш ва соғлиқни сақлаш хизматлари, жумладан, оналарга шошилинч ёрдам кўрсатиш ва болаларни эмлаш дастурлари бор”, – деган у.

Трамп ташқи ёрдам самарадорлиги ва унинг АҚШ ташқи сиёсатига мослигини қайта кўриб чиқиш учун 90 кунлик танаффус қилишга қарор қилган.

• Isroil
• Misr
• Naqsh
• Тайван
• Трамп
• Ukraina doni