Атланта кўчаларига ғазабланган оломон 26 ёшли эко-фаолнинг ўлимига жавобан деразаларни синдириб, полиция машинасини ёқиб юборди. Бу ҳақда New York Times хабар берди.

^{Сурат: Anadolu Ajansi.}

Қайд этилишича, Атланта полицияси бошлиғи Дарин Шиербаум журналистларга кўплаб намойишчилар портловчи қурилмалар билан топилганини айтган. Қурилмалардан бири Атланта полициясининг машинасини ёқиб юбориш учун ишлатилган.

“Антифа аъзоларининг "Ғазаб кечаси" чақириғидан сўнг кўчага чиққан намойишчилар Атланта полиция департаменти автомобилларига ғишт улоқтириб, мулкни синдиришаётганини кўришган”, дейилади хабарда.

Полиция ҳисоботига кўра, камида олти киши ҳибсга олинган ва учта корхона зарар кўрган.

^{Атлантада шанба кунги намойишларда бир намойишчи ҳибсга олинди. Сурат: REUTERS .}

Жоржия губернатори Браян Кемп шанба оқшомида намойишчиларнинг ҳаракатларини қоралади .

"Зўравонлик ва мулкни ноқонуний йўқ қилиш норозилик ҳаракати эмас", "Булар тоқат қилиб бўлмайдиган жиноятлардир ва тўлиқ жавобгарликка тортилади",– деб ёзди у Тwitterда.

Счиербаумнинг айтишича, норозилик намойишлари шаҳарда кечки соат 17:00 атрофида тинч йўл билан бошланган, баъзи аъзолар мулкни синдира бошлаган. АTF ва FQB терговга ёрдам бермоқда.

^{21 январь, шанба куни Атлантадаги норозилик намойишлари чоғида Wells Fargo филиалида шиша синган. Сурат: New York Times.}

Бу тартибсизлик бошланишига, Жоржия штати патрул хизмати ходимлари томонидан ўрмонли ҳудудда "Cоp City" деб номланган келажакдаги полиция ўқув марказини қурилишига тўсқинлик қилишга урунган эко-фаоллардан бири Мануел Эстебан Паез Тераннинг отиб ўлдирилиши сабаб бўлди. Расмийларнинг айтишича, ўлдирилган эко-фаолнинг ўзи аввал бир зобитни отиб, яралаган.

^{26 ёшли Мануел Теран Жоржия штат аскарини отиб ўлдиргани учун ўлдирилган. Сурат: Reuters.}

Намойиш "Атланта ўрмонидан саҳналар" деб номланган гуруҳ чоршанба куни ижтимоий тармоқда "қасос олишга" чақирган постини қўйганидан кейин содир бўлди.

“20 январь, жума куни, қаерда бўлсангиз ҳам, ҳалок бўлган ўртоқимиз хотирасини ҳурмат қилиш мақсадида ғазаб кечасида қатнашишга таклиф қилинади”, — дейилади хабарда.

Ўқув марказининг мухолифлари бир йилдан ортиқ вақт давомида атрофдаги дарахтларга платформалар ва майдонда қароргоҳ қуришга қарши норозилик билдиришмоқда.

Уларнинг таъкидлашича, Атланта Полиция Жамғармаси томонидан қуриладиган 90 миллион долларлик лойиҳа атроф-муҳитга зарар келтирадиган кўплаб дарахтларни кесишни ўз ичига олади.

Фаоллар Тераннинг ўлими билан боғлиқ воқеаларнинг полиция версиясини шубҳа остига қўйди ва ҳуқуқ-тартибот идоралари камераси тасвирларини ошкор қилишга чақирди. GBI жума куни отишма акс этган камера тасвирлари йўқлигини айтди.

Бир неча бор тинч намойишчилар эканликларини даъво қилган "Stop Cop City" вакили WSB-ТV га берган баёнотида ўз ҳаракатларини зўравонликсиз деб ҳимоя қилди.

• АҚШ
• Намойиш