АҚШнинг Калифорния штатидаги Лос-Анжелес округини қамраб олган кенг кўламли ёнғинларнинг сабаби электр узатиш линияларидан бирида узилган сим бўлиши мумкин. Бу ҳақда Edison International масъул коммунал хизматига таяниб Bloomberg хабар қилмоқда.

Ҳозирги вақтда компания ёнғин сабабини  аниқ айта олмайди. Шу муносабат билан унинг вакиллари воқеани текширишни давом эттирмоқда.

Эсингизда бўлса, ёнғинлар 7 январь куни Калифорнияни қамраб олган эди. Шундан буён Лос-Анжелесда 10 мингдан ортиқ бинолар вайрон бўлган, 370 минг киши эса электрсиз қолгани айтилмоқда.

“Ёнғинни ўчиришда ёрдам бериш учун Канада ҳукумати 250 нафар ўт ўчирувчи ва авиацияни юборади”, – дейди мамлакат бош вазири Жастин Трюдо. У кейинчалик ҳарбийлар ҳам юборилиши мумкинлигини айтган.

Ҳозирда Лос-Анжелесда табиий ёнғинлар пайтида талон-торож қилгани учун камида 20 киши ҳибсга олинган. Шу билан бирга, Калифорниянинг баъзи ҳудудларида комендантлик соати бошланган.

• АҚШ
• ёнғин