Қирол Салмон 28 май куни махсус фармон билан 2 322 Ҳаж зиёратчиларига ўрин ажратди. Шу жумладан, зиёратга Исроил томонидан ўлдирилган ёки яраланган, шунингдек, Исроил қамоқхоналарида сақланган фаластинликларнинг 1 000 оила аъзоларини қабул қилишни буюрди. Бу ҳақда “Arab news” хабар берди.

Шунингдек, Саудия Арабистони қироли 88 давлатдан яна 1 300 киши учун имтиёз ажратган. Бундан ташқари, 22 та ўрин Сиам эгизаклари туғилган хонадонлардаги тарбиячиларга ажратилган.

Қайд этилишича, ушбу қарор Ислом ишлари, даъват ва шариат вазирлиги томонидан ташкил этилган “Икки муқаддас масжиднинг Ҳаж ва Умра учун меҳмонлари” дастурининг бир қисми ҳисобланади. Ушбу дастур 26 йил олдин ташкил этилган бўлиб, унда 60 000 дан ортиқ зиёратчилар қабул қилинган.

Ислом ишлари, даъват ва шариат вазири Абдуллатиф ибн Абдулазиз Ал-Шайхнинг айтишича, бу буйруқ Саудия раҳбариятининг бутун дунё мусулмонларига доимий ғамхўрлиги ва мусулмонлар ўртасида бирлик ва биродарликни мустаҳкамлаш борасидаги саъй-ҳаракатларини акс эттиради.

Бундан ташқари, вазирнинг айтишича, ушбу зиёратчиларни қабул қилишга тайёргарлик бошланган ва стратегик режа ишлаб чиқилган.

• Haj
• Квота
• Саудия Арабистони