Январь ойида Аргентинада қашшоқлик даражаси кескин кўтарилиб, 57,4 фоизга етди. Бу сўнгги 20 йилдаги энг юқори кўрсаткичдир. Бу ҳақда “РБК” маълум қилди.

Қайд этилишича, Аргентина Католик Университети томонидан ўтказилган тадқиқотга кўра, Аргентинада 27 миллионга яқин одам камбағал ва уларнинг 15 фоизи қашшоқлик чегарасидан паст ва озиқ-овқатга бўлган эҳтиёжини қондира олмайди.

Январь ойида қашшоқликнинг ортишига президент Хавьер Милей 10 декабрда лавозимга киришганидан кўп ўтмай Аргентина пьесоси девальвация содир бўлган. Бу мамлакатнинг асосий озиқ-овқат саватчаси, шунингдек, хизматлар ва озиқ-овқат товарлари нархларининг ошишига олиб келди.

Тадқиқот шуни кўрсатдики, ишлаётган оилалар ва ижтимоий дастурлардан нафақа олмайдиган ўрта синф энг кўп зарар кўрган.

Тадқиқотчи Эдуардо Донзанинг айтишича, нархларнинг ошиши аргентиналикларга салбий таъсир қилади ва март ойигача қашшоқлик мамлакат аҳолисининг камида 60 фоизига таъсир қилади.

Аргентинанинг йиллик инфляция даражаси 2023 йил декабрда 211 фоиздан ошгани хабар қилинган эди. Бу Лотин Америкасидаги ўн йилликлардаги энг юқори кўрсаткичдир.

• Аргентина
• Камбағаллик