Бугун Қирғиз Республикаси Бишкек шаҳрида Шанхай ҳамкорлик ташкилоти, Мустақил Давлатлар Ҳамдўстлиги ва Евроосиё иқтисодий иттифоқи ҳукумат раҳбарлари кенгашининг навбатдаги йиғилишлари бўлиб ўтади.

Ўзбекистон Республикаси Бош вазири Абдулла Арипов бошчилигидаги мамлакатимиз ҳукумати делегатсияси мазкур йиғилишларда иштирок этади.

Ариповнинг Бишкек шаҳрига ташрифи доирасида 25-октябрь куни “Ала-Арча” қароргоҳида Беларус Республикаси Бош вазири Роман Галовченко билан икки томонлама учрашув ўтказилди.

Таъкидланганидек, кўп қиррали алоқалар дўстлик ва шериклик руҳида изчил ривожланиб бормоқда.

Бунда Давлатларимиз раҳбарлари ўртасидаги очиқ ва ишончли мулоқот муҳим омил бўлмоқда.

Учрашувда Ўзбекистон томони икки томонлама ҳамкорлик бўйича ҳукуматлараро комиссиянинг ўнинчи йиғилишини ва иккинчи минтақалараро форумини йил охиригача Тошкентда ўтказиш таклиф қилинди.

Ўзаро товар айирбошлаш кўрсаткичлари ўсмоқда, ўтган йилда унинг ҳажми 42 фоизга ўсган.

Олий даражадаги музокаралар давомида ҳукуматлар зиммасига яқин йилларда товар айирбошлаш ҳажмини 1 миллиард долларга етказиш вазифаси қўйилган.

Учрашувда савдо-сотиқ ва корхоналаримиз ўртасида саноат кооператсиясини кенгайтириш, қишлоқ хўжалиги ва маданий-гуманитар соҳалардаги ҳамкорликни ривожлантиришга қаратилган вазифалар ижросини таъминлаш бўйича биргаликдаги сай-ҳаракатлар  юзасидан ўзаро фикр алмашилди.

• Арипов
• Беларусь
• Қирғизистон