Арманистон ва Озарбайжон бир неча ўнлаб йиллар давом этган можароларидан сўнг тинчлик битими бўйича келишувга эришди. Бу ҳақда Озарбайжон ТИВ раҳбари Жейҳун Байрамов маълум қилди.

“Арманистон билан тинчлик шартномаси матни бўйича музокаралар жараёни якунланди”, – деди Байрамов.

Арманистон Ташқи ишлар вазирлиги ҳам “Арманистон Республикаси ва Озарбайжон Республикаси ўртасида тинчлик ва давлатлараро муносабатлар ўрнатиш тўғрисида”ги шартнома имзолашга тайёрлигини маълум қилган.

“Ереван ҳужжатни имзолаш вақти ва жойи бўйича Боку билан маслаҳатлашувларни бошлашга тайёр”, дейилади ТИВ баёнотида.

Арманистон Ташқи ишлар вазирлиги, шунингдек, дипломатик каналлар орқали Озарбайжон Ташқи ишлар вазирлигига Арманистон қўшни давлатнинг тинчлик келишуви лойиҳасининг келишилмаган икки моддаси бўйича таклифларини қабул қилишини маълум қилган.

Бундан ташқари, Ереван тинчлик шартномасини келишиш бўйича музокараларни якунлаш бўйича қўшма баёнот эълон қилишни таклиф қилгани, бироқ “расмий Боку бир томонлама баёнот беришни маъқул кўргани” хабар қилинган.

Арманистон Бош вазири Никол Пашинян Озарбайжон билан музокаралар якунланганини муҳим воқеа деб атаган.

Унинг сўзларига кўра, тинчлик битими матнида Европа Иттифоқининг Арманистонда бўлган кузатувчилари ҳақида ҳеч қандай гап йўқ, бироқ учинчи давлат кучларини киритмаслик ҳақидаги банд бор.

“Бу ҳужжат кучга киргач, Арманистон ҳам, Озарбайжон ҳам чегаранинг бутун узунлиги бўйлаб учинчи давлат қўшинларини жойлаштирмаслиги керак, деган маънони англатади”, – дея тушунтирган Пашинян.

• Арманистон
• Озарбайжон
• Tinchlik shartnomasi