23°
Кечаси 15°
Куни кеча, 15 февраль, чоршанба оқшомида бир нечта гранд клублар турли мусобақалар доирасида ўз учрашувларини ўтказишди.
Англия Премьер Лигасининг қолдирилган 12-тур ўйинида «Арсенал» ўз майдонида «Манчестер Сити» қабул қилиб, мағлубиятга учради.
Дастлаб Кевин де Брюйне лондонликлар ҳимоячисининг қўпол хатосидан унумли фойдаланиб, ҳисобни очди. Биринчи бўлим сўнгида Букаё Сака пенальтини аниқ амалга ошириб, мувозанатни тиклади.
Иккинчи бўлимда эса Жек Грейлиш ва Эрлинг Холанднинг голлари манчестерликларга муҳим 3 очкони тақдим этди.
Шу тариқа, Пеп Гвардиола бошчилигидаги жамоа очколари сонини «Арсенал»ники билан тенглаштириб, тўплар фарқига кўра турнир жадвалида биринчи ўринга жойлашди.
АПЛ | 12-тур баҳси
«Арсенал» — «Манчестер Сити» 1:3
Голлар: 0:1 – 24ʼ Де Брюйне, 1:1 – 42ʼ Сака (пенальти), 1:2 – 72 Грейлиш, 1:3 – 82ʼ Холанд.
Шунингдек, кеча ЕЧЛ доирасида иккита учрашув ҳам бўлиб ўтди. Улардан бирида «Боруссия Дортмунд» «Челси» устидан минимал ғалабага эришди. Учрашувдаги ягона голга Адееми муаллифлик қилди.
Иккинчи ўйинда «Бенфика» «Брюгге» майдонидан 3 очко билан қайтди. Португалияликлар сафида Жоау Мариу ва Давид Нереш томонидан киритилган голлар 2:0 ҳисобидаги ғалабани таъминлади. Энди жамоалар ўртасидаги жавоб ўйинлари 7 март санасида ўтказилади.
ЕЧЛ | Нимчорак финал баҳслари
«Боруссия Д» – «Челси» 1:0
Гол: 1:0 – 63ʼ Адееми.
«Брюгге» – «Бенфика» 0:2
Голлар: 0:1 – 51ʼ Жоау Мариу (пенальти), 0:2 – 88ʼ Нереш.
Бундан ташқари чоршанба оқшомида «Реал Мадрид» қолдирилган тур ўйинида майдонга тушди. Чемпионатнинг аутсайдер жамоаси «Элче»га қарши кечган баҳсда мадридликлар йирик 4:0 ҳисобида зафар қучди. Беллашувда Бензема дубль қайд этишга муваффақ бўлди.
Шу тариқа «Реал» очколари сонини 48 тага етказиб, турнир жадвали етакчиси «Барселона» билан орадаги фарқни қисқартирди. Каталонияликлар ҳозирда 56 очкога эга бўлиб туришибди.
Ла Лига | 21-тур баҳси
«Реал» – «Элче» 4:0
Голлар: 1:0 – 8ʼ Асенсио, 2:0 – 31ʼ Бензема (пенальти), 3:0 – 45ʼ Бензема (пенальти), 4:0 – 80ʼ Модрич.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
