Жорий йилнинг 27 август куни Андижон вилоятининг Асака туманидаги туғруқхонадан соғлом чақалоқнинг жасади топилгани тўғрисида хабарлар тарқалган эди. Ушбу ҳолатга вилоят прокуратураси муносабат билдирди.

“Жорий йилнинг 27 август куни Асака туман ТТБ қарашли 2-туғруқ комплекси шифокорлари томонидан ҳомиладор бемор З.Жнинг қорнида нобуд бўлган ўғил жинсли ҳомила жарроҳлик йўли билан олинган”, – дейилади хабарда.

Қайд этилишича, мазкур ҳолат юзасидан Асака туман прокуратураси томонидан терговга қадар текширув ўтказилмоқда.

Бош прокуратуранинг Андижон вилоят бўлими томонидан текширувлар натижаси бўйича қонуний қарор қабул қилиниши таъминланади.

• Chaqaloq
• Poliklinika