Бугун, 5 ноябрь 17 ёшгача футболчилар ўртасидаги ФИФА Жаҳон чемпионатида Исломбек Исмоилов бошқарувидаги Ўзбекистон ўсмирлар терма жамоаси мундиалдаги юришини бошлайди. Жамоанинг 1-турдаги рақиби Парагвай терма жамоаси бўлади. Учрашув Тошкент вақти билан соат 18:00 да “Эспайр” академияси майдонида старт олади.

Маълумот учун, Ўзбекистон U-17 терма жамоаси ўсмирлар ўртасидаги Жаҳон чемпионатларида тўртинчи бор иштирок этмоқда. Ушбу ёш тоифасидаги Ўзбекистон жамоалари 2011 (Мексика) ва 2023-йилги (Индонезия) мусобақаларда чорак финалга қадар етиб борган. 2013 йил Бирлашган Араб Амирликларида ўтган мундиалда эса 1/8 финал босқичида иштирокини якунлаган.

Эслатиб ўтамиз, Қатар яшил майдонларида бўлиб ўтаётган мусобақа 3 ноябрда старт олганди. Турнирнинг финал баҳси эса 27 ноябрь куни бўлиб ўтади.

• Футбол
• Жаҳон чемпионати
• Ўзбекистон
• Қатар