“Бутун тун давомида ҳаво мудофааси кучлари Украинанинг 251 та дронини йўқ қилди. Энг кўп дрон Қора денгиз устида уриб туширилган — 61 та. Шунингдек, Қримда 40 та, Курск вилоятида 34 та, Белгород вилоятида 30 та ва Нижегород вилоятида 20 та дрон йўқ қилинган”, – Россия Мудофаа вазирлиги баёнотида.

Белгород вилояти маъмурияти маълумотларига кўра, дронлар энергетика объектларига ҳужум қилган. Натижада 24 та аҳоли пункти, жумладан Белгород шаҳри ҳам қисман электр таъминотисиз қолган. Умумий ҳисобда 40 минг киши электрсиз қолган.

ОАВларнинг хабарига кўра, Брянск вилоятининг Клинси шаҳрида иссиқлик электр станциясига ҳужум қилинган.

Нижегород вилоятининг Дзержинск шаҳрида дронлар портловчи моддалар ишлаб чиқариладиган заводга зарба берган, натижада ёнғин юзага келган.

Шунингдек, Россавиатсия 5 октябрь кечки пайтдан бошлаб Сочи, Геленджик, Краснодар, Ярославл, Калуга, Новгород, Тамбов ва Саратов аэропортларида парвозларни чеклаган.

• Havo hujumi
• Россия
• Украина
• дрон