Калифорния технология институти астрономлари янги усул ёрдамида Сомон йўлининг массасини ўлчашди. Улар тез радиотўлқинлар деб аталмиш - табиати ҳозирча нома;лум бўлган радиотўлқинларнинг ултрақисқа ёрқин портлашларини таҳлил қилишди.

Олимлар гуруҳи 110 та радиоантеннадан иборат Deep Synoptic Array расадхонасини қурдилар. Уни яратишдан мақсад ҳар бир радиотўлқинларнинг тунги осмондаги жойлашувини аниқлашдир. Бу жуда юқори аниқликни талаб қилади.

2022 йилда расадхона олимларга 30 та тез радио портлашларини аниқлашга ёрдам берди. Тадқиқот атрофимиздаги коинотдаги моддалар миқдорини ҳам тахмин қилиш имконини берди.

Натижалар шуни кўрсатдики, Сомон йўлида илгари ўйлангандан кўра камроқ кўринадиган моддалар мавжуд. Шундай қилиб, галактика 10% дан камроқ оддий материядан ва 90% дан ортиқ қоронғу материядан иборат. Бундай маълумотлар Сомон йўлининг шаклланиш тарихини қайта яратадиган компютер моделлари билан мос эди.

• Коинот
• қизиқарли