“Йилнинг энг яхши пишлоғи” номли анъанавий халқаро танлов Португалиянинг Визеу шаҳрида ўтказилди.

47 та мамлакатдан 4 786 дона пишлоқ ҳакамлар ҳайъатининг 240 нафар халқаро эксперти томонидан баҳолангани ҳақида ташкилотчилар маълумот берган.

“Йилнинг энг яхши пишлоғи 2024” қўй сутидан тайёрланган Queijo de Ovelha Amanteigado пишлоғи деб топилди. Бу пишлоқ Португалияда жойлашган Суалейра шаҳридаги 10 киши ишлайдиган оддий ва кичик фермада тайёрланган.

Ҳакамлар пишлоқларни ташқи кўриниши, ҳиди, таъми ва текстурасига қараб баҳолашди. Улардан бири ғолиб-пишлоқни “оқсил ва ёғнинг ажойиб уйғунлиги” дея таърифлади.

• фестиваль
• Португалия
• Янгилик
• танлов