Ҳар доим атир танлаш жараёнида унинг қанча муддат давомида ифори келиб туришига алоҳида эътибор қаратилади. Унинг узоқ муддат сақланиб туриши нафақат сифатга, балки қуйидаги 6 тавсияга амал қилишга ҳам боғлиқ.

Сақлаш. Атирни тўғри жойда сақланг. Уни намлик юқори бўлган жойда ва қуёш нури тўғридан-тўғри тушиб турадиган жойда қолдирманг. Энг идеал вариант бу хона ҳароратидаги қоронғу жой. Мисол учун тортмалар.

Вақт масаласи. Парфюм ҳидининг сақланиб қолиши унинг таркибидаги парфюм суви, одекалон кабиларга боғлиқ бўлади. Унинг ўртача миқдорда бўлиши ифорнинг 4-6 соат сақланишини таъминлайди. Шуни ҳисобга олган ҳолда атирни уйдан чиқишдан 30 дақиқа аввал ва душ қабул қилгандан сўнг дарҳол сепиш тавсия этилади.

Тана қисмлари. Хушбўй ҳид кўпчилик ўйлаганидек кийимда яхши сақланиб қолмайди. Атирни қон айланишини нисбатан тезроқ бўлган жойларга сепиш керак. Булар: бошнинг орқа қисми, билак, тирсакларнинг эгилиш жойи, тош суяги, тизза орқаси. Бу нуқталарда қон нисбатан тез айлангани ҳисобига маҳаллий ҳарорат бироз юқори бўлади ва бу ифор тарқалишини яхшилайди.

Ишқалаш. Парфюм сепгандан сўнг, ўша нуқталарни ишқалаш одатий ҳолга айланган. Лекин бу унинг ҳиди бузилишига сабаб бўлади.

Комплекс ёндашув. Ўзингизга ёққан бренднинг атири билан бирга кремини, душдан кейинги гелини ҳам сотиб олишингиз керак. Бу ифор уйғунлашуви ва хушбўйликни таъминлайди.

• Atir
• қизиқарли