Нью-Йорк товар биржаси (CОМЕХ) маълумотларига кўра, 21 октябрь савдоларида олтин нархи 6 фоизга пасайиб, бир троя унцияси учун 4100 долларни ташкил этди. “Бу 2013 йилдан буён кузатилган энг катта бир кунлик пасайишдир”, деб маълумот бермоқда РБК нашри.

Шунингдек, кумуш нархи ҳам арзонлашди, “Newmont” каби йирик конь компаниялари акциялари кескин тушди. Блоомберғга кўра, бу ҳолат асосан инвесторларнинг фойда олиш мақсадида олтин сотиши билан боғлиқ.

Аналитиклар фикрича, АҚШ долларининг сўнгги ҳафталардаги мустаҳкамланиши ҳам олтин нархига босим ўтказган.

“MKS Pamp” компанияси таҳлилчиси Никки Шилснинг таъкидлашича, нархлар ҳаддан ташқари тез ўсгани вазиятни мураккаблаштирган: “Олтин олти ҳафта ичида 1000 долларга қимматлади — бу ортиқча харид ҳолатини кўрсатади, биз ҳозир “стратосфера” босқичида турибмиз”, – дейди у.

Эслатиб ўтамиз, 20 октябрда олтин нархи тарихда илк бор бир унция учун 4398 долларгача кўтарилган эди.

• Нарх-наво
• Олтин