Оксфорд университети профессори Робин Дунбар томонидан ўтказилган ва ”Humor” журналида чоп этилган тадқиқотда олимлар аёллар ва эркаклар учун кўпроқ қандай кўринишдаги ҳазиллар кулгили бўлишини аниқлашди. Иккала жинсларнинг ҳазил туйғусида ҳам ўхшашлик, ҳам фарқли жиҳатлар мавжуд.

Мутахассислар гуруҳи янги тадқиқотда эркаклар аёлларга қараганда визуал ҳазилларни кўпроқ қадрлашини аниқлади. Шу билан бирга, аёллар сиёсий шарҳларни ўз ичига олган ёки одамлар ўртасидаги яқин муносабатлар динамикасини кўрсатадиган ҳазилларни афзал кўришади. Ўхшашлик нуқтаи назаридан, иккала жинс вакиллари ҳам оилавий муносабатларни акс эттирадиган ҳазилларни яхши қабул қилишади.

Тадқиқот Лондондаги карикатура музейида ўтказилган. У ерда машҳур рассомларнинг босма карикатуралари кўргазмасига ташриф буюрган 3380 кишидан маълумот тўпланган.

Аёл иштирокчилар кундалик вазиятлар ҳақидаги ва сиёсий изоҳлар билан қилинган ҳазилларни, эркак иштирокчилар эса вазиятли (фарс) ҳамда визуал ҳазилларни афзал кўришган.

• Psixolog
• саломатлик