Бангладешдаги оммавий тартибсизликлар чоғида истеъфога чиққан ва мамлакатни тарк этган бош вазир Шайх Хасина Буюк Британиядан сиёсий бошпана сўради, деб хабар беради Россиянинг ТАСС агентлиги.

Нашрнинг ёзишича, уни кузатиб келаётган синглиси Рехана Британия фуқароси.

Бундан ташқари, Шайх Хасинанинг қариндоши Тюлип Сиддиқ 2015 йилдан буён Лейбористлар партияси номидан Британия парламенти депутати ҳисобланади. Янги бош вазир Кира Стармер кабинетида у молия вазири ўринбосари лавозимига тайинланди.

Шайх Хасинани олиб кетаётган самолёт Ню-Деҳлидан 40 километр узоқликдаги ҳарбий базага қўнган.

Манбаларга кўра, Ҳиндистон расмийлари унга ёрдам беришга рози бўлган, бироқ у шунга қарамай Лондонга жўнаб кетмоқчи.

Эслатиб ўтамиз, Бангладешдаги ҳукуматга қарши намойишларда ҳалок бўлганлар сони 90 нафарга етган.

• Bangladesh