«Барселона» ҳеч бўлмаганда Чемпионлар лигасининг чорак финалига қадар этиб, 20 миллион евро ишлаб олишни умид қилганди.

Гоал хабарига кўра, «Барселона» бу мавсумда Чемпионлар лигасида ўйнаш орқали, камида 20 миллион евро ишлаб олишни кутганди.

Манбага кўра, «Барселона» президенти Жоан Лапорта жамоанинг турнир чорак финалига чиқишини назарда тутиб, ўз мавсуми учун бюджет тузган.

Чемпионлар лигасининг 1/8 финалига чиқиш клубларга тахминан 9,6 евро, чорак финалга чиқиш эса яна 10,6 миллион евро олиб келади. 

Шундай қилиб, каталонияликлар камида 20 миллион евро йўқотишган.

Ўз навбатида, Жоан Лапорта кетма-кет иккинчи марта Европа Лигасига тушиб кетаётган Хави жамоаси ҳақида фикр билдирди.

«Хави яхши иш қиляпти. Натижа ҳиссий жиҳатдан жуда қийин бўлди, турнирни тарк этганимизни билганимиздан кейин майдонга тушдик.

Ҳеч кимни ҳеч нарсада айблаб бўлмайди. Биз ҳали ҳам бу жамоанинг ривожланишига ишонамиз ва умид қиламиз», – деди Лапорта.

• Барселона
• Футбол
• Жоан Лапорта
• Хави