«Барселона» – «Манчестер Юнайтед» учрашувида Европа лигасининг томошабинлар сони бўйича янги рекорд ўрнатди.

Spotify Camp Nou стадионида бўлиб ўтган «Барселона» – «Манчестер Юнайтед» учрашувига 90 255 нафар томошабин ташриф буюрди, деб хабар беради УЕФА расмий сайти.

Қайд этилишича, бу баҳс Европа Лигасининг янги рекордини ўрнатди ва аввалги, 10 000 га яқин томошабинни ташкил этган кўрсаткични ортда қолдирди.

2017 йилнинг 23 февралида «Тоттенхем» – «Гент» ўртасидаги 1/16 ўйини бўлиб ўтган «Уэмбли»га 80 465 киши ташриф буюрган эди.

Эслатиб ўтиш мумкин, кеча, 16 февраль куни «Барселона» ҳамда Англиянинг «Манчестер Юнайтед» клублари ўртасидаги Европа лигаси 1/16 финалининг дастлабки учрашуви бўлиб ўтди.

Беллашув 2:2 ҳисобида якунланди. Жамоалар ўртасидаги жавоб ўйини 23 февраль куни Манчестерда ўтказилади.

• Барселона
• Футбол
• Manchester Yunayted