“Суриянинг собиқ президенти мамлакатни тарк этишидан бир неча соат олдин 30 га яқин юқори мартабали разведка ва армия мулозимларини йиғиб, уларга Россиядан ҳарбий ёрдам келаётганини айтганди”, — дея Reuters агентлигига маълум қилган учрашувда иштирок этган қўмондонлардан бири.

“Асад вертолётда Ироққа етиб борган ва у ердан Москвага жўнаб кетган укаси Маҳерни ҳам огоҳлантирмаган. Собиқ президентнинг рафиқаси Асма ва уларнинг уч фарзанди Асад учиб кетишидан олдин Россияда бўлган”, – деб ёзмоқда агентлик.

Умуман ҳисобланганда, Сурия собиқ раҳбарининг мамлакатдан қочиб кетиши унинг атрофидагилар учун кутилмаган ҳолат бўлгани ҳақидаги маълумот агентликка 10 дан ортиқ манбалар томонидан тасдиқланган.

Шунингдек, “Дастлаб Асад БААга боришни режалаштирган, бироқ мамлакат Европа ва Америка санкцияларидан қўрқиб, уни қабул қилишдан бош тортган. Шу сабабли Россия Асаднинг Москвага кетишини уюштирди”, — дейилади хабарда.

• Ogohlantirish
• Президент
• Россия
• Suriya