АҚШ президенти Жо Байденнинг ўғли Хантер Байден Лос-Анжелес судида тўққизта федерал айблов бўйича айбига иқрор бўлди. У 17 йилгача озодликдан маҳрум этилиши мумкин.

Кичик Байденнинг айтишича, у ноқонуний равишда қурол сотиб олгани бўйича судланганидан кейин оиласини яна азоблашни истамагани учун шу қарорга келган.

Америка қонунчилигига кўра, Хантер Байден 17 йилгача озодликдан маҳрум этилиши ёки 1,3 миллион доллар миқдорида жаримага тортилиши мумкин.

Бундан ташқари, кичик Байденга 2018 йилда Colt Cobra револьверини харид қилишда ёлғон ишлатгани учун 25 йилгача қамоқ жазоси тайинланиши мумкин. Айни вақтида у суд эшитуви якунлангунга қадар гаров эвазига озодликда қолади.

• АҚШ
• Байден