Узоқ вақт давомида Байден маъмурияти Украинага пиёдаларга қарши миналарни беришдан бош тортиб келган, чунки улар тинч аҳоли учун катта хавф туғдирар эди.

The Washington Post нашрининг ёзишича, эндиликда, Пентагон Киевга пиёдаларга қарши миналарни етказиб бериш Россия армиясининг ҳужумини секинлаштириш учун муҳим қадамлардан бири деб ҳисоблайди.

Америкалик журналистларнинг сўзларига кўра, АҚШ “беқарор турдаги” миналарни етказиб беради. Бу турдаги миналар бир неча кун ёки ҳафта давомида зарарсизланади ва тинч аҳоли учун хавф туғдирмайди.

Украина ҳукумати, ўз навбатида, Байден маъмуриятига аҳоли зич жойлашган ҳудудларда пиёдаларга қарши миналар ўрнатмасликка ваъда берди.

Кремль матбуот котиби Дмитрий Песков миналарнинг Украинага етказиб берилиши ҳақидаги янгиликларга муносабатида, ушбу хабарларнинг тўғрилигига шубҳаси борлигини билдирган.

• Байден
• Peskov
• Украина