Янги сайланган президент Доналд Трамп эса бу қарорни қоралади.

“Умид қиламанки, америкаликлар ота ва президент сифатида бундай қарорга келганимнинг сабабини тушунишади”, – Жо Байден.

АҚШ президенти Жо Байден қурол-яроғ савдоси ва солиқ қонунбузарликлари билан боғлиқ жиноятлари учун ҳукм қилинган ўғли Ҳантер Байденни афв этди. Бу ҳақда Оқ уй раҳбарининг баёнотида маълумот берилди.

Шунингдек, мен ўғлим Ҳантерни афв этиш тўғрисидаги фармонни имзоладим. Лавозимни эгаллаганимдан бери Адлия вазирлигининг қарорларига аралашмаслигимни айтган эдим ва ўғлимнинг адолатсиз равишда суд тартибида таъқиб қилинаётганини кузатганимда ҳам сўзимда турдим, дейилади баёнотда.

Байден ўғлининг таъқиб қилиниши айнан уларнинг қариндошлик алоқалари ва давлат раҳбарининг сиёсий рақиблари босими билан боғлиқлигини таъкидлади. Унинг фикрича, суд жараёни қўпол сиёсат таъсирига учраган.

АҚШнинг сайланган президенти Доналд Трамп Ҳантернинг афв этилишини “мансаб ваколатини суиистеъмол қилиш” ва “адолатни поймол этиш” деб атаган.

“Жо Ҳантерга берилган афв бир неча йилдан бери қамоқда ўтирган 6 январдаги “гаровга олинганлар”ни ҳам ўз ичига оладими? Бу адолатни суиистеъмол қилиш ва бузиш”, – деган Трамп Truth Social ижтимоий тармоғидаги саҳифасида.

Эслатиб ўтамиз, “6 январь гаровга олинганлар” деганда, Трамп 2021 йил 6 январда Капитолийга бостириб кирган тарафдорларини назарда тутган.

• Байден
• Трамп