Америкалик супермодель Белла Хадид 2022 йилнинг энг яхши модели деб топилди. 27 ёшли Хадид сураткашлар, дизайнерлар, муҳаррирлар ва стилистлар иштирок этган сўровномада етакчи бўлган.

Сўровномада қатнашган интернет фойдаланувчиларининг аксарияти ҳам Белла Хадид учун овоз берган.

2022 йилда таниқли супермодель кўплаб машҳур брендлар – Balenciaga, Adidas, Victoriaʼs Secret, Miu Miu, Swarovski компаниялари билан ҳамкорлик қилган. Бу эса унинг ҳамкасблари орасида етакчи бўлишини таъминлаб берган.

Рейтингнинг иккинчи ўрнини италиялик топ-модель Виктория Черетти банд этди. Учинчи ўриндан эса жанубий суданлик модель Адут Акеч жой олган.

Келиб чиқиши грузиялик бўлган модель Матильда Гварлиани «Йил янгилиги» дея эътироф этилди. 22 ёшли модель жорий йилда Fendi, Chanel, Carolina Herrera ва Rokh намойишларида иштирок этган.

• Шоу-бизнес
• машҳурлар