Ўзбекистонда уй-жой кўчмас мулк бозори кетма-кет иккинчи ой ижобий динамикани кўрсатмоқда. Маълумотларга кўра, апрель ойида сотувлар 11 фоизга, май ойида эса 9 фоизга ошган. Бу ҳақда Иқтисодий тадқиқотлар ва ислоҳотлар маркази маълум қилди.

Ўзбекистонда май ойида 21,6 мингта уй-жой сотилган, бу ўтган ойга нисбатан 9 фоизга юқори.

Ўтган йилнинг май ойига нисбатан уй-жой бозоридаги фаоллик 15,2 фоизга камайгани айтилмоқда.

Уй-жой савдосининг энг катта ўсиши Самарқанд вилоятида қарийб 21 фоизга, Андижон ва Наманган вилоятларида мос равишда 19,3 ва 15 фоизларда кузатилган.

Тошкентдаги уй-жой ижарага бериш бозоридаги вазият қандай?

Май ойида уй-жой ижара бозори апрель ойидаги пасайишга нисбатан мўътадиллашди. Апрел ойи билан таққослаганда пойтахтнинг аксарият туманларида сезиларли ўсиш қайд эитлмади, ўсиш атиги 1,2 фоизни кўрсатди. Тошкентда уй-жой ижара нархи бир квадрат метри учун 8,4 долларни ташкил этди.

Миробод, Шайхонтоҳур ва Яккасарой туманларида ижара нархи ҳамон юқорилигича қолмоқда, ушбу туманларда ижара нархи бир квадрат метри учун ўртача 10,5 долларни кўрсатмоқда.

Бошқа туманларга нисбатан арзон уй-жой ижара нархлари Учтепа, Сергели ва Бектемир туманларида сақланиб қолмоқда.
Шу билан бирга, ўтган йилнинг май ойига нисбатан пойтахт ижара бозори 6,7 фоизга қисқарган.

Республика бўйича иккиламчи уй-жой нархлари май ойида 1,3 фоизга, йиллик ҳисобда эса 10,3 фоизга ошди, бу инфлясия кўрсаткичларига яқинроқ. Бу ҳақда Иқтисодий тадқиқотлар ва ислоҳотлар маркази маълум қилди.

Ўтган ойда мамлакатда иккиламчи уй-жойлар нархлари динамикаси ўртача ўсиш билан тавсифланган. Май ойида иккиламчи бозорда ўртача нархлар ўтган ойга нисбатан 1,3 фоизга ошган. Йиллик кўрсаткичларда нархларнинг сезиларли даражада - 10,3 фоизга ўсиши кузатилмоқда, бу эса иқтисодиётдаги умумий инфлятсия даражасига яқинлашмоқда, дейилган таҳлилда.

Шундай қилиб, ойлик динамикасининг бир оз юмшатилишига қарамай, иккиламчи уй-жой нархларининг узоқ муддатли ўсиш тенденсияси давом этмоқда.
Иккиламчи уй-жой нархларининг энг юқори ўсиши қайд этилган ҳудудлар Бухоро, Қашқадарё, Тошкент, Хоразм вилоятлари бўлиб, уларда нархлар ўртача 18,7 фоизга ошган.

Жорий йилнинг май ойида пойтахтнинг иккиламчи уй-жой бозорида нархларнинг сезиларли даражада ошиши қайд этилган ҳудудлардаги вазиятдан фарқли ўлароқ, нархлар ҳолати сезиларли ўзгаришларсиз сақланиб қолган.

Май ойида пойтахтда нархлар ўсиши 1,1 фоизни ташкил этди, бу ўтган ойнинг кўрсаткичига тўғри келади. Йиллик кўрсаткичда 2023-йил май ойига нисбатан пойтахтда иккиламчи уй-жой бозорида нархларнинг ўсиши 11,1 фоизни ташкил этди.

Пойтахтнинг марказий туманлари контекстида иккиламчи уй-жой бозоридаги нарх динамикасини таҳлил қилиш вазиятнинг турлича эканлигини кўрсатади. Май ойида нархларнинг энг юқори ўсиш суръатлари Мирзо Улуғбек, Чилонзор ва Учтепа туманларида қайд этилди. Нархларнинг
энг юқори ўсишини кўрсатган ушбу учта ҳудуд учун ўртача ҳисобда иккиламчи уй-жой нархининг ўсиши 1,5 фоизни ташкил этган.

• Кўчмас мулк