Бундан бир неча кун олдин Бишкекнинг бир неча буюм бозорларида тадбиркорлар янги солиқ тизимидан норози бўлиб намойишга чиққани ҳақида хабар қилгандик. Кейин Қирғизистон Миллий хавфсизлик қўмитаси раҳбари солиқ тизими ва бозор маъмурияти ходимлари фаолиятини текширишга, намойиш ташкилотчилари ва сабабчиларини аниқлашга буйруқ берганди.

Бугун “Sputnik Кыргызстан”нинг маълум қилишича, Миллий хавфсизлик хизматчилари йирик бозорларда текширишлар олиб бориб, бир неча ноқоқнуний ҳолатларни аниқлаб, жавобгарларни ҳибсга олган.

Қўлга олинган шахслар бозорда ўзбошимчалик билан солиқ тўлашдан бўйин товлаш схемасини яратишда гумон қилинмоқда. Миллий хавфсизлик давлат қўмитасига тадбиркорлар солиқ йиғувчи орган вакиллари ушбу “хизмат”лари учун пул (пора) сўраганини даъво қилган. Бу схема олти йил давомида гуллаб-яшнади, деди разведка хизмати.

Миллий хавфсизлик давлат қўмитаси текширишлар натижасида солиқлар фақат 400 нафар тадбиркордан олинганини, пойтахтдаги энг йирик бозорда эса 600 дан ортиқ савдо шохобчалари борлигини аниқлаган. Ҳибсга олинганлардан бири Давлат солиқ хизмати раҳбари эканлиги маълум.

Бозорлардаги иккинчи рейд собиқ депутат, бош вазирнинг собиқ биринчи ўринбосари Асқарбек Шодиевга тегишли Бишкекдаги “Batken-comfort” бозори бўлган. Бу бозорнинг амалдаги директори қўлга олинди, деб хабар қилди Миллий хавфсизлик давлат қўмитаси.

Разведка хизмати маълумотларига кўра, улар бозорда ижарачилардан ноқонуний равишда пул йиғишган, биноларни ижарага бериш нархини асоссиз равишда оширган ва айниқса катта миқдорда солиқ тўлашдан бўйин товлаган. Шунингдек, архитектура-қурилиш меъёрларини бузиш фактлари аниқланган. Айни пайтда бозор раҳбарияти савдогарлар учун қулай шарт-шароит яратиб бермаган, дейди давлат қўмитаси раҳбари.

Ушбу ҳолатларга жавобгар сифатида ва бошқа айбловлар билан бош директор, унинг ўринбосари ва бозор ҳисобчиси қўлга олинди.

• Бозор
• ДХХ
• Жиноят
• Қирғизистон
• Солиқ