“БМТ Бош Ассамблеяси 12 сентябрь куни кўпчилик овоз билан Исроил ва Фаластин давлатлари тўғрисидаги қарорни амалга ошириш бўйича қадамларни назарда тутувчи декларацияни маъқуллади”, – дея хабар бермоқда Туркиянинг TRT нашри.

Маълум қилинишича, 7 саҳифадан иборат ҳужжат июль ойида БМТ бош қароргоҳида Саудия Арабистони ва Франция томонидан ташкил этилган халқаро конференцияда тайёрланган.

“Ғазодаги урушни тўхтатиш контекстида ХАМАС сектордаги ҳукмронлигини тўхтатиши ва суверен ва мустақил Фаластин давлатини яратиш мақсадига эришиш учун халқаро қўллаб-қувватлаш ва иштирокда Фаластин маъмуриятига қурол топшириши керак”, – дейилади декларацияда.

Ҳужжатни қўллаб-қувватловчи резолюцияни 142 давлат жумладан Ўзбекистон ҳам ёқлаган, 10 давлат қарши чиққан бўлса, яна 12 давлат бетараф қолган. Декларацияни АҚШ ва Исроил бойкот қилди.

• БМТ
• Декларация
• Фаластин