БМТ Бош котиби Антониу Гутерриш Ливиядаги томонларни зўравонлик ҳаракатларидан тийилишга, хавфсизлик кучларини эса максимал даражада вазминлик кўрсатишга чақирди. Бу ҳақда БМТ бош котиби вакили Стефан Дюжаррик баёнот берди.

"Бош котиб Ливиянинг кўплаб шаҳарларида, жумладан, Триполи, Тобрук ва Бинғозида уюштирилган норозилик намойишларини хавотир билан кузатиб бормоқда", — дейилади баёнотда.

Гутерриш барча намойишчиларни зўравонлик ҳаракатларидан тийилишга ва хавфсизлик кучларини максимал даражада вазминликка чақирди.

"Бош котиб Ливиядаги томонларни барқарорликка путур етказадиган ҳар қандай ҳаракатлардан тийилишга чақиради", — дейилади баёнотда.

Маълумот учун, жорий йилнинг, 1 июль куни Ливиянинг қатор шаҳарларида норозилик намойишлари бўлиб ўтди. Ливия пойтахти Триполи аҳолиси кўчаларга чиқиб, ҳокимиятни тарқатиб юбориш, мамлакатда фавқулодда ҳолат эълон қилиш, электр таъминотидаги инқирозни бартараф этиш, президентлик ва парламент сайловларини тезлаштиришни талаб қилди. Шу куни намойишчилар Тобрук шаҳридаги парламент вакиллар палатаси биносига бостириб киришди . Намойишчилар офислар, қабулхоналар ва меҳмон уйларини ёқиб юборган, ҳужжатларни йўқ қилган.

• БМТ
• Ливия
• qo'zg'olon